गणगौर पूजन गीत - अपनी माटी ई-पत्रिका

चित्तौड़गढ़,राजस्थान से प्रकाशित त्रैमासिक साहित्यिक पत्रिका('ISSN 2322-0724 Apni Maati')

नवीनतम रचना

गणगौर पूजन गीत

एक दो तीन चार,पांच छ: सात आठ
नौ दस ग्यारा बारा तेरा चौदा
पंदरा सोळा,ईसर बावजी भोळा
गौर पूजूं करमेती य ईसर पूजूं पारबती
पारबती का आला नीला
गौर का सोना का टीला
टील रे टपला दे राणी
बरत करे गौरा दे राणी
करतां करतां आसग्यो मासग्यो
गौले घाटे लाडू लाद्यो
लाडू ले बीरा ने दीदो
बीरो ले मने साड़ी दी दी
साड़ी ने सिघाड़ो,बाड़ी में बजौरो
तण मण सोरो
सात कचोरो
राणी पूजे राज ने,म्हे पूजां सुहाग ने
राणी को राज घटतो जाय
म्हाकों सुहाग बढ़तो जाय
कीड़ी कीड़ी जात है,जात पड्यां गुजरात है
गुजरात्यां को पाणी आयो
आक फूल कळी की डोडी
एक दो तीन चार,पांच छ: सात आठ
नौ दस ग्यारा बारा तेरा चौदा
पंदरा सोळा,ईसर बावजी भोळा...............

01472-241532
स्त्रोत-राजस्थानी लोकाचार गीत पुस्तक
लेखिका श्रीमती चन्द्रकान्ता व्यास
सम्पर्क सूत्र
लोकगीत संकलन:

1 टिप्पणी:

  1. इस्सर जी तो भोळा ई है।
    गणगौर को गीत अठै सुनावण वास्ते
    थाने घणी-घणी
    राम-राम

    उत्तर देंहटाएं

ज्यादा जानकारी के लिए यहाँ क्लिक करें

Responsive Ads Here